Ավելի վաղ լրատվամիջոցներում տեղեկություն էր տարածվել, որ Երևանում ծնողը հայտնել է, որ ծննդաբերությունից հետո մահացած երեխայի մահվան թղթում նշված են եղել այնպիսի պատճառներ, որոնք երեխան չի ունեցել, իսկ բժիշկը հայտնել է, որ մարմինը այրել են և ծնողը չի կարող վերցնել։

Դեպքի վերաբերյալ մանրամասներ իմանալու նպատակով Iravaban.net-ը դիմել է Քննչական կոմիտե։ Հայտնեցին, որ դեպքի առթիվ ապրիլի 17-ին Քննչական կոմիտեի ԵՔՔՎ Աջափնյակ և Դավթաշեն վարչական շրջանների քննչական բաժնում Քրեական օրենսգրքի 187-րդ հոդվածի 2-րդ մասով (բուժաշխատողի կողմից մասնագիտական պարտականությունները չկատարելը կամ ոչ պատշաճ կատարելը, որն անզգուշությամբ առաջացրել է մարդու մահ կամ այլ ծանր հետևանք) նախաձեռնվել է քրեական վարույթ:

Կա 1 տուժող, կատարվում է նախաքննություն։