«Սիրելի՛ հայրենակիցներ, դուք տեսնում եք Հայաստանի թիվ մեկ ազգային հարստությունը՝ Սևանա լիճը իմ թիկունքում, և տեսնում եք, թե ինչ վիճակում է գտնվում Սևանա լիճը»,- ֆեյսբուքյան իր էջում նման բովանդակությամբ տեսանյութ է հրապարակել անկախ պատգամավոր Թագուհի Թովմասյանը։
«Հիմա եմ ահազանգում, որովհետև պիտի աշխատանքներ իրականացվեն։ Մենք գտնվում ենք Վարդենիս չհասած՝ Կարճաղբյուր-Վարդենիս հատվածում․ ահա, խնդրեմ, սիրելի՛ հայրենակիցներ, շարունակում ենք Սևանա լճի ափամերձ տարածքների բացահայտումը․ խնդրում եմ նայեք՝ ինչ ծառեր են արմատներով մնացել Սևանա լճի մեջ, և այստեղ պիտի մենք կազմակերպենք մեր հանգիստը, և երեխաները պիտի գան և իրենց ժամանցը կազմակերպեն այստեղ։
Տիղմի մեջ ամբողջությամբ ծառերի արմատներ, աղբ, տպավորություն է, որ այստեղ որևէ պետական մարմին չի գործում։ Եթե պետական մարմինները գործեին, մենք այսպիսի պատկեր չէինք ունենա»։
Տեսանյութը՝ այստեղ։
