«Պարգևատրումների սահմանումը «Պետական պաշտոններ զբաղեցնող անձանց վարձատրության մասին» օրենքում կա։ Մեր իրականության մեջ ձեր իշխանության օրոք իմացանք, որ պարգևատրումների դարձել են գաղտնի կատեգորիա, և ոչ թե օրենքով է, այլ՝ վարչապետի գաղտնի որոշմամբ։
Հիմա ես ուզում եմ այդ գաղտնի որոշումից հասկանալ՝ նախ ինչի՞ եք խախտում օրենքը և օրենքով սահմանված սահմանաչափը կրկնակի գերազանցում եք ոստիկանության մասով՝ առանձին ծառայությունների, և մի քանի կոնկրետ հարցեր․ քանի՞ տոկոսն է ֆոնդի, որ տրվում է կոնկրետ ոստիկանության պարգևատրում։
Ոստիկանության քողի տակ պաշտպանված որոշ բորենիներ հարձակվում են ՀՀ քաղաքացու վրա, որքա՞ն է դրա պարգևավճարը, և դուք դա վճարում եք ՀՀ դրամո՞վ, թե՞ ադրբեջանական մանաթով։
Մյուսը՝ խաղաղ ցուցարարի աչքը օրը ցերեկով հանող, սիգարետը բերանին կանգնած ոստիկանի պարգևատրման չափը։
Հաջորդը՝ պատգամավորի վրա «շակալի պես հարձակվող» և մարմնական ծանր վնասվածք տվող ոստիկանի քողի տակ թաքնվածի պարգևատրման չափը»,- այսօր՝ ԱԺ մշտական հանձնաժողովների հերթական նիստում՝ 2023-ի բյուջեի կատարողականի նախնական քննարկման ընթացքում հայտարարեց «Հայաստան» խմբակցության պատգամավոր Թադևոս Ավետիսյանը։
Հարցը հնչեցնելու ընթացքում միջամտեց Վահագն Ալեքսանյանը՝ «Քանի՞ միլիոն ռուբլի են ղրգել, քանի միլիոնն եք կերել» հարցով։
Դրանից հետո ԱԺ-ում ընդդիմադիրների և իշխանության ներկայացուցիչների միջև վիճաբանություն սկսվեց։
Մանրամասները՝ տեսանյութում։
