Մաքսային պահեստը մեկ կամ մի քանի առանձնացված շենքերի, բաց հրապարակների համախումբ է, որտեղ մաքսային հսկողության ներքո կարող են պահպանվել «ներմուծում մաքսային պահեստ» ռեժիմով բաց թողնված ապրանքները:
Մաքսային պահեստները կարող են լինել`
ա) բաց տիպի` բոլոր անձանց ապրանքների պահպանման համար.
բ) փակ տիպի` որոշակի անձանց ապրանքների պահպանման համար.
գ) մասնագիտացված` բոլոր անձանց որոշակի ապրանքների պահպանման համար:
Մաքսային պահեստներ կարող են կազմակերպել ՀՀ Կառավարության կողմից սահմանված կարգով լիցենզիա ստացած Հայաստանի Հանրապետության անձինք:
«Ներմուծում մաքսային պահեստ» ռեժիմով ապրանքները մաքսային պահեստում կարող են պահվել մինչև մեկ տարի ժամկետով:
Եթե հայտարարատուի սկզբնապես խնդրարկած ժամկետը մեկ տարուց պակաս է, ապա մաքսային մարմինը հայտարարատուի դիմումի հիման վրա երկարաձգում է այդ ժամկետը ներմուծման օրվանից մեկ տարին չգերազանցող ժամկետով:
