.png)
Խուզարկությունը և առգրավումը կատարվում է ընթերակաների մասնակցությամբ: Անհրաժեշտության դեպքում խուզարկությանը և առգրավմանը կարող են մասնակցել նաև թարգմանիչ և մասնագետ:
Խուզարկություն և առգրավում կատարելիս պետք է ապահովվի այն անձի և նրա ընտանիքի չափահաս անդամի ներկայությունը, որոնց ներկայությամբ կատարվում է խուզարկությունը կամ առգրավումը: Եթե վերջիններիս ներկայությունն անհնարին է, ապա հրավիրվում է բնակարանային շահագործման կազմակերպության կամ տեղական ինքնակառավարման մարմնի ներկայացուցիչ:
Անձինք, որոնց մոտ կատարվում է խուզարկություն կամ առգրավում, ինչպես նաև ընթերակաները, մասնագետները, թարգմանիչները, ներկայացուցիչները, պաշտպանները, իրավունք ունեն ներկա գտնվել քննիչի բոլոր գործողություններին, անել հայտարարություններ, որոնք պետք է մտցվեն արձանագրության մեջ:
