Հունվարի 20-ին, ժամը 17։46-ին Արագածոտնի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Թալին քաղաքի սկզբնամասում տեղի է ունեցել ՃՏՊ՝ առկա է գազի արտահոսք․ անհրաժեշտ է փրկարարների օգնությունը։
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ Երևան-Գյումրի ավտոճանապարհի 70-րդ կմ-ին բախվել են «Opel» և «Mercedes-Benz» մակնիշների ավտոմեքենաները։
Մինչ փրկարարների կանչի վայր հասնելը՝ «Opel» մակնիշի ավտոմեքենայի վարորդը և ուղևորները, «Mersedes-Benz» մակնիշի ավտոմեքենայի վարորդը և ուղևորները տեղափոխվել են բժշկական կենտրոն, որտեղ տուժածների առողջական վիճակը բժիշկները գնահատել են միջին ծանրության։
Փրկարարները հոսանքազրկել են ավտոմեքենաները և փակել գազաբալոնների փականները։
![](https://iravaban.net/wp-content/uploads/2024/01/421236710_340062415656534_3627479426519937952_n.jpg)
![](https://iravaban.net/wp-content/uploads/2024/01/420636510_340062402323202_801416547840585714_n.jpg)
![](https://iravaban.net/wp-content/uploads/2024/01/421283362_340062392323203_6179080186951726216_n.jpg)