ՀՀ վարչապետ Նիկոլ Փաշինյանը X սոցիալական ցանցում (նախկինում՝ Twitter) գրառում է կատարել՝ անդրադառնալով այսօր՝ դեկտեմբերի 7-ին Հայաստանի և Ադրբեջանի համատեղ հայտարարությանը։
«Առաջնորդվելով մարդասիրության արժեքներով, և որպես բարի կամքի դրսևորում, Ադրբեջանի Հանրապետությունն ազատ է արձակում 32 հայ զինծառայողների:
Հայաստանի Հանրապետությունն իր հերթին, առաջնորդվելով մարդասիրության արժեքներով, և որպես բարի կամքի դրսևորում, ազատ է արձակում 2 ադրբեջանցի զինծառայողների»,- գրել է նա:
Ավելի վաղ հայտնել էինք, որ Ադրբեջանի Հանրապետությունն ազատ է արձակում 32 հայ զինծառայողների, Հայաստանն էլ իր հերթին ազատ է արձակում 2 ադրբեջանցի զինծառայողներին։
