Ադրբեջանն ազատ կարձակի 32 հայ զինծառայողի, Հայաստանը՝ 2 ադրբեջանցի զինծառայողի։ Այս մասին ասված է Հայաստանի և Ադրբեջանի համատեղ հայտարարությունում։
Նշվում է նաև, որ Հայաստանը և Ադրբեջանը համակարծիք են՝ տարածաշրջանում վաղուց սպասված խաղաղության հասնելու պատմական հնարավորություն կա:
Երկու պետությունները վերահաստատում են ինքնիշխանության և տարածքային ամբողջականության սկզբունքների հարգման հիման վրա հարաբերությունները կարգավորելու և խաղաղության պայմանագրի կնքմանը հասնելու իրենց մտադրությունը:
Կողմերը կոչ են անում միջազգային հանրությանը`աջակցելու իրենց ջանքերին, որոնք կնպաստեն երկու պետությունների միջև փոխադարձ վստահության կառուցմանը և դրական ազդեցություն կունենան Հարավային Կովկասի ողջ տարածաշրջանի համար։
