Ստեղծված իրավիճակում «Խաղաղության խաչմերուկը» կարող է մեզ համար վախճան հանդիսանալ: Այս մասին այսօր` հոկտեմբերի 27-ին, Եռաբլուրում լրագրողների հետ զրույցում հայտարարեց ԱԺ «Հայաստան» խմբակցության ղեկավար Սեյրան Օհանյանը:
Նրա խոսքով՝ այդ ծրագիրը, որ Նիկոլ Փաշինյանը ներկայացնում է, եթե մտածված չլինի, եթե ՀՀ շահերը առաջ չտարվեն, դա կարող է մեզ վախճան դառնալ։
«Այս իշխանությունները եկել են հայ ժողովրդին ու արցախահայությանը խաղաղություն բերելուն, բայց իրանք բերել են պատերազմ: Այս պատերազմը շարունակական է դարձել, օղակը Հայաստանի Հանրապետության շուրջ սեղմվել է այնպես, որ Արցախը ամբողջությամբ հայաթափվել է, և այսօր էլ Ադրբեջանը տարբեր հարթակներում, տարբեր գործողություններ իրականացնելով ինչ ուզում ստանում է,- ասել է Սեյրան Օհանյանը:
Սերյան Օհանյանը հիշեցրել է, որ Արցախում ցեղասպանություն իրականացնելուց հետո Ադրբեջանի հաջորդ նպատակը Մեծ Թուրանն է, որը ըստ Օհանյանի թուրք-ադրբեջանական տանդեմը փորձում է իրականացնել Հայաստանի վրայով:
Նա ընդգծել է, որ այդ պարագայում տեղին չէ խոսել «Խաղաղության խաչմերուկի» մասին։
