Խնդրում եմ համակերպվել այն աղմուկի հետ, որ կա: Այս մասին այսօր՝ հոկտեմբերի 25-ին՝ ԱԺ-կառավարություն հարցուպատասխանի ժամանակ, ասել է ԿԳՄՍ նախարար Ժաննա Անդրեասյանը՝ պատասխանելով Հայաստան խմբակցության պատգամավոր Լիլիթ Գալստյանի հարցին, որը վերաբերում էր Սմբատ Հովհաննիսյանի հեղինակած` 7-րդ դասարանի պատմության դասագիրքում տեղ գտած 100-ից ավելի սխալներին։
Նախարարի խոսքով՝ մեծամասամբ նպատակաուղղված արշավ է սկսվել՝ ընդդեմ հանրակրթության բովանդակային փոփոխությունների, որոնք նախաձեռնված են և, այո՛, հիքմում ունեն արժեբանական փոփոխություններ։
«Հիմնական նպատակը պատմական մտածողության ձևավորումն է մեր երեխաների մոտ, որից պարզ պետք է դառնա, որ պատմությունը բազմաշերտ իրողություն է և, ամենակարևորը, ունենալ տարբեր աղբյուրներ համեմատելու, վերլուծելու, ինքնուրյուն դատողություն կազմելու, որոնք այնքան բացակայում են մեր մեջ այդ, այսպես կոչված, ուռա հայրենասիրության և պաթոսի մեջ, որով տարիներ շարունակ ողողված է եղել մեր դպրոցը և որից շատ դժվար է լինելու ազատել», – ասել է նա։
Անդրեասյանն ընդգծել է, որ իրենք ուշադիր են բոլոր բովանդակային դիտարկումներին, որոնք արվում են։
