Համատեղությամբ աշխատանքը հիմնական աշխատանքային ժամանակից դուրս, միևնույն գործատուի կամ այլ գործատուի մոտ աշխատանքային պայմանագրի հիման վրա աշխատողի կատարած աշխատանքն է:
Աշխատանքային պայմանագրում նշվում է, որ աշխատանքը կատարվում է համատեղությամբ:
Սակայն հնարավոր է, որ աշխատանքային պայմանագրում չնշվի, որ այն կատարվում է համատեղությամբ: Այս պարագայում կարևոր է մեկ այլ գործոն՝ ո՞ր գործատուի մոտ է աշխատանքային գրքույկը:
Աշխատանքային գրքույկը աշխատողի աշխատանքային գործունեության մասին տեղեկություններ ներառող հիմնական փաստաթուղթն է:
«Գործատուն պարտավոր է հիմնական աշխատավայրում աշխատող բոլոր աշխատողների համար վարել աշխատանքային գրքույկ, իսկ համատեղությամբ աշխատանքի ընդունվելիս աշխատողը պարտավոր չէ ներկայացնել աշխատանքային գրքույկ»,-Իրավաբան.net-ին հայտնում է փաստաբան Արփինե Եղիկյանը:
