Թուրքիայի Ալանիա հանգստավայրում Ղազախստանից ժամանած զբոսաշրջիկներով միկրոավտոբուսը վթարի է ենթարկվել, 12 մարդ վիրավորվել է, երկուսը մահացել են։ Այս մասին գրում է РИА Новости-ն։
«Ղազախստանից ժամանած զբոսաշրջիկներով միկրոավտոբուսը Դ-400 մայրուղու վրա՝ Օքուրջալար գյուղի մոտ, մխրճվել է բեռնատարի մեջ»,-նշված է նյութի մեջ։
Վթարի հետևանքով զոհվել են թուրք վարորդը և ուղեկցորդը՝ Ուկրաինայի քաղաքացի։
Վիրավորվել է 12 ուղևոր, վեցի վիճակը ծանր է, բոլորը հոսպիտալացվել են։
Բեռնատարի վարորդը բերման է ենթարկվել բաժին՝ հարցաքննության։
