Ռուսական Коммерсант պարբերականի հատուկ թղթակից Անդրեյ Կոլեսնիկովը ՌԴ նախագահ Վլադիմիր Պուտինից տեղեկացել է հունիսի 29-ին Կրեմլում «Վագներ» մասնավոր ռազմական ընկերության հրամանատարների հետ հանդիպման մանրամասների մասին։ Նշվում է, որ հանդիպումը տևել է երեք ժամ։
Հիշեցնենք, որ խոսակցությունը տեղի է ունեցել Ռուսաստանում ռազմական ապստամբության անհաջող փորձից հինգ օր անց։ Պուտինն Անդրեյ Կոլեսնիկովին հայտնել է իրադարձության որոշ մանրամասներ:
«Իսկ ի՞նչ է եղել իրականում. ամեն ինչ շատ պարզ է և ակնհայտ ռուսական հանրության համար: «Վագներ»-ի շարքային մարտիկներն արժանապատվորեն են կռվել, ուստի… Ցավալի է այն փաստը, որ նրանք ներքաշվել են այս իրադարձությունների մեջ… Ես այսպես կարտահայտվեմ, շատ զգույշ…Մի կողմից հանդիպմանը ես գնահատական տվեցի մարտի դաշտում նրանց արածին, մյուս կողմից՝ հունիսի 24-ի իրադարձությունների ժամանակ արածին։ Երրորդ, ներկայացրել եմ նրանց ծառայության հետագա անցման հնարավոր տարբերակները, ներառյալ մարտական օգտագործումը: Այսքանը», – ասել է Պուտինը:
Հանդիպումը տևել է երեք ժամ:
«Կարո՞ղ ենք ենթադրել, որ «Վագները» մասնավոր ռազմական ընկերությունը կմնա որպես մարտական միավոր», – հետաքրքրվել է լրագրողը։
«Դե «Վագներ» մասնավոր ռազմական ընկերություն գոյություն չունի։ Մենք մասնավոր ռազմական կազմակերպությունների մասին օրենք չունենք: Այն պարզապես գոյություն չունի: Այսինքն՝ եթե չկա օրենք, ուրեմն չկա մասնավոր ռազմական ընկերություն։ Խումբ կա, բայց իրավաբանորեն գոյություն չունի։ Սա առանձին խնդիր է՝ կապված օրինականացման հետ։ Բայց սա հարց է, որը պետք է քննարկվի Պետդումայում, կառավարությունում։ Դժվար հարց է»,-ի պատասխան նշել է Պուտինը:
