Ուկրաինայի ոստիկանությունը հաստատել է, որ պայթյուն է տեղի ունեցել Կիևի դատարաններից մեկում, փոխանցում է ТАСС-ը։
Դեպքի վայրում են հատուկ նշանակության ջոկատի զինծառայողները, աշխատում են քննիչներ և պայթուցիկ նյութերի փորձագետներ։
«Ոստիկանությունը տեղեկություն է ստացել Շևչենկովսկի շրջանի դատարանի դահլիճում տեղի ունեցած պայթյունի մասին»,- ասվում է ոստիկանության Telegram ալիքում։
Ավելի վաղ Strana-ի ուկրաինական հրատարակությունը հայտնել էր, որ Կիևի դատարաններից մեկում պայթյուն է տեղի ունեցել, և փոխհրաձգություն է լսվել։ Աղբյուրը հայտնել է՝ 2015 թվականին ահաբեկչություն կատարելու համար մեղադրվողը փախուստի փորձ է կատարել։ Նա շենքում 3 նռնակ է պայթեցրել, հանել ատրճանակն ու պատանդ վերցրել ուղեկցորդուհուն։
