Ըստ փախստականների կարգավիճակի մասին 1951թ.-ի կոնվենցիայի` փախստական համարվելու համար անձը պետք է ներկայացնի հավաստում հետապնդումների զոհ դառնալու հիմնավորված երկյուղի` ռասայի, կրոնի, ազգության, որոշակի սոցիալական խմբի պատկանելու կամ քաղաքական հայացքների հատկանիշներից որևէ մեկով:
Էական չէ, հետապնդումն առաջացել է այդ պատճառներից որևէ մեկով, թե դրանցից երկու կամ ավելի պատճառների համակցությամբ:
Հաճախ հայցողն ինքը կարող է չիմանալ հետապնդումների պատճառների մասին: Գործի հանգամանքների ուսումնասիրության ընթացքում ստուգող անձի խնդիրն է բացահայտել հետապնդումների պատճառը կամ պատճառները և որոշում ընդունել` համապատասխանում են արդյոք դրանք 1951թ.-ի կոնվենցիայի սահմանմանը:
Ակնհայտ է, որ այս տարբեր շարժառիթներով հետապնդումների պատճառները հաճախ մասնակիորեն համընկնում են: Հաճախ մեկ անձի հետ կապված կարող է առկա լինել մեկից ավելի տարր, օրինակ, քաղաքական ընդդիմախոսի դեպքում, որը պատկանում է կրոնական կամ ազգային առանձին խմբի կամ երկուսն էլ, և նրա անձի մեջ նման պատճառների համակցությունը կարող է նշանակություն ունենալ նրա հիմնավորված երկյուղի գնահատման ժամանակ:
