Երեխայի (երեխաների) դաստիարակությունը կարող է իրականացվել խնամատար ընտանիքում` երեխային (երեխաներին) ընտանիք դաստիարակության հանձնելու մասին պայմանագրի հիման վրա: Խնամատար ընտանիքը առանց ծնողական խնամքի մնացած երեխայի (երեխաների) դաստիարակության համար տեղավորման ձևերից մեկն է: Այս գործընթացում իրենց կարևոր դերն ունեն նաև խնամակալության և հոգաբարձության մարմինները:

Խնամակալության և հոգաբարձության մարմինները.

1. իրականացնում են վերահսկողություն խնամատար ծնողների վրա դրված պարտականությունների կատարման նկատմամբ,

2. ընտրում են առանց ծնողական խնամքի մնացած երեխաներին ընտանիքներում տեղավորելու ձևերը (խնամատար ընտանիքում խնամքի և դաստիարակության հանձնելը, խնամակալ, հոգաբարձու նշանակելը)` ելնելով ծնողական խնամքից զրկվելու որոշակի հանգամանքներից.

3. աջակցում են խնամատար ընտանիքին` երեխայի կյանքի և դաստիարակության անհրաժեշտ պայմանների ստեղծման համար,
4. կնքում են խնամատար ծնողների (ծնողի) հետ պայմանագիր երեխային խնամատար ընտանիքին հանձնելու մասին, ընդունում են որոշում ընտրված երեխային խնամատար ընտանիքին հանձնելու մասին:

Իրավաբան.net