Հունվարի 30-ի երեկոյան ոստիկանության Քանաքեռ-Զեյթունի բաժնի ծառայողները Սարյան փողոցում հայտնաբերել, իրացնելու նպատակով թմրամիջոց գովազդելու կասկածանքով ձերբակալել և ոստիկանության Կենտրոնական բաժին են տեղափոխել 24-ամյա մի օտարերկրացու: Բաժնում անձնական խուզարկությամբ նրա մոտ հայտնաբերվել են տարբեր գրառումներով թմրամիջոցներ վաճառելու ինքնակպչուն թղթե 485 պատկերներ, որոնց կենտրոնական հատվածում կանեփի տերևի պատկեր էր՝ «QR» կոդով, նաև թափանցիկ և սև պլաստմասսե ֆորմաների նմուշներ, որոնց վրա կտրված էր կանեփի նկար, աերոզոլ տեսակի ներկի մետաղական սրվակներ, մարկերներ:
Կազմված փաստաթղթերը փոխանցվել են քննչական բաժին:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
