Իրավաբանների հայկական ասոցիացիայի կողմից գործարկվող Iravaban.net լրատվական կայքում առկա է լրագրողի թափուր հաստիք (համատեղել հնարավոր չէ):

Պարտականություններ`

• Օպերատիվ լրահոսի տեղադրում կայքում,
• Տեքստային և մուլտիմեդիա նյութերի պատրաստում,
• Միջազգային լրատվամիջոցներից նյութերի թարգմանությունների կատարում,
• Ղեկավարի կողմից տրված մասնագիտական այլ հանձնարարությունների կատարում:

Պահանջվող հատկանիշներ`

• Հայերենի գերազանց իմացություն (ռուսերենի և անգլերենի իմացությունը կդիտվի որպես առավելություն),
• Ավելին սովորելու, սեփական գիտելիքներն ու կարողությունները զարգացնելու մոտիվացիա,
• Ջանասիրությամբ աշխատելու ցանկություն և կարողություն,
• Թիմային աշխատանքի կարողություններ,
• Ակտիվություն, տարբեր իրավիճակներում արագ կողմնորոշվելու կարողություն,
• Լրագրության ոլորտում աշխատանքային փորձի առկայությունը կդիտվի որպես առավելություն,
• Լուսանկարհանման, տեսանկարահանման իմացությունը կդիտվի առավելություն:

Աշխատանքի համար կարող են դիմել նաև լրագրության ֆակուլտետներում 3-րդ, 4-րդ կուրսի ուսանողները։ Աշխատանքը հիմնականում լինելու է երեկոյան ժամերի։

Համապատասխան որակավորում ունեցող անձիք կարող են ներկայացնել համապատասխան դիմում, իրենց ամփոփ ինքնակենսագրականը (CV), հետաքրքրության նամակը (մինչև 300 բառ) և 2 լրագրողական նյութ՝ իրենց կողմից պատրաստված`  [email protected] էլեկտրոնային փոստի հասցեով՝ նամակի վերնագրում նշելով «Լրագրող» բառը։ Դիմումներն ընդունվում են մինչև փետրվարի 20-ը, 18։00-ն:

Նշենք, որ ընտրված մասնակիցներն անցնելու են փորձաշրջան՝ մինչև 15 օր տևողությամբ։