Աշխատանքի և սոցիալական հարցերի նախարարությունն անդրադարձել է ոստիկանության նոյեմբերի 25-ի այն հաղորդագրությանը, որից տեղեկանում էինք, որ ԱՍՀՆ միասնական սոցիալական ծառայության բժշկասոցիալական փորձաքննության և աջակցող միջոցներով ապահովման վարչության թիվ 13 բժշկասոցիալական հանձնաժողովի անդամը քաղաքացուց 60 հազար դրամ կաշառք էր պահանջել։
«Աշխատանքի և սոցիալական հարցերի նախարարությունը խստորեն դատապարտում է նմանօրինակ ցանկացած քայլ և շարունակում արդյունավետ համագործակցել իրավապահ մարմինների հետ՝ դրանք կանխարգելելու և բացահայտելու ուղղությամբ»,-ասված է նախարարության հայտարարության մեջ։
Նշնեք, որ ըստ ոստիկանության հաղորդագրության ԱՍՀՆ աշխատակիցը կաշառքը ստանալուց անմիջապես հետո ձերբակալվել է։
