Հոկտեմբերի 31-ին ոստիկանություն զանգած քաղաքացին հայտնել էր, որ ընկերոջ բջջային հեռախոսը գողացել են: Ըստ ահազանգողի` ժամեր առաջ ընկերը Զարուբյան փողոցում նկատել էր, որ իր iPhone-ը թողել է «Միցուբիշի» մակնիշի տաքսի մեքենայում, ինչից հետո զանգել էին վարորդին, սակայն նա չէր պատասխանել, իսկ որոշ ժամանակ անց հեռախոսն անջատել էր:
Հաղորդումը փոխանցվել է ոստիկանության Արաբկիրի բաժին: Բաժնի քրեական հետախույզների ձեռնարկած օպերատիվ-հետախուզական միջոցառումների շնորհիվ պարզվել է տաքսիստի ինքնությունը: 41-ամյա տղամարդը Մազմանյան փողոցում հայտնաբերվել, ձերբակալվել և ներկայացվել է քննչական բաժին:
Գողոնը հայտնաբերվել է: Նախաքննությամբ հանգամանքները պարզվում են:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
