«Վեոլիա Ջուր» ընկերության աշխատանքից դժգոհում են բազմաթիվ քաղաքացիներ: Հիմնականում բողոքում են Էրեբունի վարչական շրջանի բնակիչները:
Շատերը նշում են, որ իրենք խմելու ջուրը գնում են խանութներից, քանի որ ծորակից հոսող ջուրն ունի կողմնակի համ և հոտ:
Նոր Նորք վարչական շրջանի բնակիչները ևս դժգոհում են պարբերական բնույթ կրող ջրանջատումներից:
Մարզերում ջրանջատումները ևս հաճախակի բնույթ են կրում:
Նրանք նշում են, որ «Վեոլիա Ջուր» ընկերության աշխատանքը իրենց չի բավարարում։ Հատկապես, երբ ջրանջատումները լինում են առանց զգուշացնելու և գիշերվա ժամերին: Ամառվա տապին ընկերությունը սպառողներին մի շարք կենցաղային անհարմարություններ է պատճառում, ինչը նյարդայնացնում է քաղաքացիներին: Iravaban.net-ը շարունակում է բազմաթիվ ահազանգեր ստանալ վերը նշված խնդիրների վերաբերյալ, որոնք դեռ որևէ լուծում չեն ստացել:
Հարգելի՛ քաղաքացիներ,
եթե ունեք որևէ բողոք ջրի որակի, ջրանջատման վերաբերյալ, կարող եք մեր ֆեյսբուքյան էջին ուղարկել տեսանյութ կամ լուսանկար:
