Հունիսի 18-ին, ժամը 16։27-ին Լոռու մարզային ճգնաժամային կառավարման կենտրոն ահազանգ է ստացվել, որ Լեռնավան գյուղի «Գոմեր» կոչվող հանդամասում քաղաքացու ինքնազգացողությունը վատացել է, գտնվում է դժվարանցանելի տեղանքում․ շտապօգնության ավտոմեքենային մոտեցնելու համար անհրաժեշտ է փրկարարների օգնությունը։
Այս մասին տեղեկանում ենք Արտակարգ իրավիճակի նախարարությունից։
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Հրշեջ-փրկարարները Լեռնավան գյուղի «Գոմեր» կոչվող հանդամասից Վ․ Մ․-ին (ծնված 1963 թ․) պատգարակել են (մոտ 400 մ), այնուհետև փրկարարական մեքենայով (մոտ 2 կմ) մոտեցրել շտապօգնության ավտոմեքենային։
Քաղաքացին հրաժարվել է հոսպիտալացումից․ շտապօգնության աշխատակիցները տեղում ցուցաբերել են համապատասխան բուժօգնություն։
