Ազգային ժողովի փոխնախագահ Իշխան Սաղաթելյանը ֆեյսբուքյան իր էջում գրել է․
«Սիրելի հայրենակիցներ, Երևանում այս պահին ընթանում է «Դիմադրության» շարժման իրազեկման երթը։
Իջեք փողոց, միացեք պայքարի ձեր քույրերին և եղբայրներին։
Իսկ հունիսի 18-ին, ժամը 19։30-ին, հանդիպում ենք Ֆրանսիայի հրապարակում, որտեղ կկայանա համապետական հանրահավաք»,- գրել է նա։
Նշենք, որ «Դիմադրություն» շարժումն այսօր՝ հունիսի 16-ին, երթ է իրականացնում Արաբկիրի Սուրբ Խաչ եկեղեցու մոտակայքից:
Հիշեցնենք, որ նախօրեին շարժումն ինքնաբուխ ակցիա էր իրականացրել Վարդանյանների այգում: Նրանք այնտեղից շարժվել էին Դատախազության շենքի մոտ, փակել փողոցը և գունավոր ծուխ բաց թողել: Որից հետո շարժման մասնակիցները երթով շարժվեցին Ազատության հրապարակ:
