Երևանի քաղաքապետ Հրաչյա Սարգսյանը որոշումներ է ստորագրել, որոնց համաձայն մի քանի պոլիկլինիկաներում տնօրեններ են փոխվել։ Մասնավորապես, քաղաքապետի մայիսի 16-ի որոշման մեջ ասվում է․
«Ղեկավարվելով «Երևան քաղաքում տեղական ինքնակառավարման մասին» օրենքի 52-րդ հոդվածի 1-ին մասի 6-րդ կետով, «Բաժնետիրական ընկերությունների մասին» օրենքի 67-րդ հոդվածի 1-ին մասի 9-րդ կետով, 88-րդ հոդվածի 5-րդ մասով՝
1. Կարեն Թորոսյանին՝ 2022 թվականի մայիսի 16-ից ազատել «Թիվ 22 պոլիկլինիկա» փակ բաժնետիրական ընկերության տնօրենի պաշտոնից:
2. «Թիվ 22 պոլիկլինիկա» փակ բաժնետիրական ընկերության տնօրենի պարտականությունների կատարումը ժամանակավորապես դնել նույն ընկերության բուժական գծով տնօրենի տեղակալ Արմինե Գևորգյանի վրա»։
Մայիսի 18-ի որոշման մեջ ասվում է․
«Ղեկավարվելով «Երևան քաղաքում տեղական ինքնակառավարման մասին» օրենքի 52-րդ հոդվածի 1-ին մասի 6-րդ կետով, «Բաժնետիրական ընկերությունների մասին» օրենքի 67-րդ հոդվածի 1-ին մասի 9-րդ ենթակետով և հիմք ընդունելով Սերգեյ Մանուկյանի դիմումը՝
1. Սերգեյ Մանուկյանին` 2022 թվականի մայիսի 18-ից նշանակել «Նոր Արեշ պոլիկլինիկա» փակ բաժնետիրական ընկերության տնօրենի ժամանակավոր պաշտոնակատար՝ մինչև սահմանված կարգով տնօրենի թափուր պաշտոնը մրցույթի արդյունքում հաղթող ճանաչված մասնակցի կողմից զբաղեցնելը»:
Հունիսի 1-ի որոշման մեջ ասվում է․
«Ղեկավարվելով «Երևան քաղաքում տեղական ինքնակառավարման մասին» օրենքի 52-րդ հոդվածի 1-ին մասի 6-րդ կետով, «Բաժնետիրական ընկերությունների մասին» օրենքի 67-րդ հոդվածի 1-ին մասի 9-րդ կետով և հիմք ընդունելով Սուրեն Ամիրյանի դիմումը՝
1. Սուրեն Ամիրյանին՝ 2022 թվականի հունիսի 1-ից նշանակել «Կարմիր բլուր» պոլիկլինիկա փակ բաժնետիրական ընկերության տնօրենի ժամանակավոր պաշտոնակատար՝ մինչև սահմանված կարգով տնօրենի թափուր պաշտոնը մրցույթի արդյունքում հաղթող ճանաչված մասնակցի կողմից զբաղեցնելը»:
