Վերջին 2 ամսում Ադրբեջանը շատ ակտիվ աշխատանք է տանում, քաղաքական և ռազմական հող նախապատրաստում՝ Հայաստանի վրա հարձակվելու համար: Այս մասին ֆեյսբուքյան իր էջում գրել է ադրբեջանագետ Գառնիկ Դավթյանը։
«Ադրբեջանի ՊՆ-ն հետևողական պարբերությամբ կեղծ տեղեկատվություն է հրապարակում առ այն, թե հայկական կողմը պարբերաբար կրակում է ադրբեջանական դիրքերի ուղղությամբ: Հիմնական «կրակվող» թևը իհարկե դեպի օկուպացրած Քարվաճառն է, իսկ վերջերս նաև Տավուշը (ուշադրությունը շեղելու նպատակով): Ակնհայտ է, որ Քարվաճառի ուղղությունը պարբերաբար նշելով՝ ուղիղ թիրախավորում են ամբողջ Սյունիքը:
Քարոզչական ուղղությամբ հանրության մոտ նոր ագրեսիվ տրամադրություններ են ստեղծում: Մասնավորապես, Ադրբեջանը ոչ պաշտոնական (հանրային) տիրույթում կեղծ լուրեր են տարածում վիրավոր զինվորների մասին: Այս համատեքստում կիրառում քարոզչական մարտավարական հնարքներ և օգտագործում՝ «ռևանշիտներին պետք է գլխատել», «Զանգեզուրը Ադրբեջան է», «Ալիև զորքերը մտցրու» թեզերը։
Բոլորովին էլ պատահական չէ, որ Ալիևը իր բոլոր հանդիպումներին ժամանակ շեշտում է ուժ կիրառելու արդյունավետության և միջազգային իրավունքի չգործելու մասին: Եթե կարճ՝ նոր պատերազմի պատրաստվում»:
