Անցնող օրերին մեր ամբողջ քաղաքական կյանքը պտտվում էր երկու ընդդիմադիր խմբակցությունների հայտարարության շուրջ: Այս մասին այսօր՝ մայիսի 31-ին, Ֆրանսիայի հրապարակում ընթացող հանրահավաքի ժամանակ ասաց Ազգային ժողովի պատգամավոր Հայկ Մամիջանյանը:
«Այդպես էլ պետք է լինի, որովհետև Հայաստանի ներքաղաքական կյանքը պետք է պտտվի հայկական օրակարգի շուրջ, այլ ոչ թե՝ սնդիկի մասին օրենքի:
Ես չեմ պատկերացնում, որ աշխարհում կարող է լինել գոնե մեկ հայ, որը այդ հայտարարությունը չի կիսի: Եկեք միասին հասկանանք, թե մենք ինչ ենք պահանջում արձանագրել: Մենք խոսում ենք, որ Հայաստանը պարտավոր է աջակցել Արցախի ինքնորոշմանը և ֆիքսում, որ Արցախը երբեք չի լինելու Ադրբեջանի կազմում»,- ասաց նա:
Վերջինս նշեց, որ գործող իշխանությունները հասել են նրան, որ Արցախը համարում են Ղարաբաղի շրջան:
