Վարչապետ Նիկոլ Փաշինյանը այսօր՝ մայիսի 20-ին, որոշում է ստորագրել, որում նշվում է․
««Տեղական ինքնակառավարման մասին» օրենքի 27-րդ հոդվածի 2.1-ին մասին համապատասխան՝ Տավրոս Սափեյանին նշանակել Հայաստանի Հանրապետության Արագածոտնի մարզի Թալին համայնքի ղեկավարի պաշտոնակատար»:
Հիշեցնենք, որ Արագածոտնի մարզի Թալին համայնքի ավագանու լիազորությունները վաղաժամկետ դադարեցվել են․ Թալինում ավագանու արտահերթ ընտրություններ են նշանակվել։
Վերջին ՏԻՄ ընտրություններին (2021թ․ դեկտեմբերի 5) մասնակցել է 4 ուժ՝ «Զարթոնք», «Հայք», «Քաղաքացիական պայմանագիր» կուսակցությունները և «Մեր համայնք» դաշինքը: Տավրոս Սափեյանը ստացել էր նվազագույն անհրաժեշտ 11 ձայները և դարձել Թալինի համայնքապետ։
50+1 տոկոսանոց շեմը ոչ ոք չէր հաղթահարել։ Քվեների 46․6 տոկոսը ստացած ՔՊ-ին բաժին էր հասել ավագանու 21 մանդատից 10-ը։ Համայնքապետ ընտրելու համար անհրաժեշտ էր առնվազն 11 մանդատ, ՔՊ-ին չէր հաջողվել կոալիցիա ձևավորել։
