Հաշվի առնելով այն հանգամանքը, որ հանրակրթական հիմնական ծրագրեր իրականացնող ուսումնական հաստատության՝ հերթական ատեստավորման ենթակա ուսուցչի վերապատրաստման նպատակով համապատասխան իրավական ակտերը լրամշակվել են, ՀՀ կրթության, գիտության, մշակույթի և սպորտի նախարարությունում մայիսի 19-ին՝ ժամը 16:00-ին, տեղի կունենա հանդիպում՝ ընթացակարգի մասով քննարկումներ իրականացնելու նպատակով:
Այս մասին հայտնում են Կրթության, գիտության, մշակույթրի և սպորտի նախարարությունից:
Հանդիպմանը կարող են մասնակցել արդեն երաշխավորված կազմակերպությունները, ինչպես նաև այն կազմակերպությունները, որոնք ցանկանում են իրականացնել հերթական ատեստավորման ենթակա ուսուցիչների վերապատրաստում և ընդգրկվել ատեստավորման ենթակա ուսուցչին վերապատրաստող երաշխավորված կազմակերպությունների և դասընթացների ցանկում:
Մասնակցությունը հավաստելու համար անհրաժեշտ է մինչև մայիսի 16-ը՝ ժամը 18:00-ը, [email protected] էլեկտրոնային փոստին ուղարկել կազմակերպությունը ներկայացնող մեկ անձի անուն:
