«Ապրելու երկիր» կուսակցության համահիմնդաիր, Աշխատանքի և սոցիալական հարցերի նախկին նախարար Մեսրոպ Առաքելյանը ֆեյսբուքյան իր էջում գրել է.
«Օդի աղտոտվածությամբ Երևանը Եվրոպայի ամենակեղտոտ մայրաքաղաքն է:
Մենք ամեն օր Երևանում շնչում ենք նորմայից մոտ 7 անգամ կեղտոտ օդ, որը սրտանոթային, քաղցկեղածին հիվանդությունների լուրջ պատճառ է դառնում։ Երևանի օդը էական վնաս է առաջացնում նաև երեխաների առողջությանը։
Մթնոլորտային աղտոտվածությունը բնապահպանական կարևորագույն խնդիր է, սակայն մենք դրան պատշաճ ուշադրություն չենք դարձնում։
Երևանում հանրային և ջրային տարածքների շեշտակի աճը պետք է դառնա քաղաքի զարգացման կարևորագույն ուղղությունը, սակայն քաղաքի բազմաթիվ հատվածներ ուղղակի փոշու մեջ թաղված են, տարիներով չմաքրված։
Փողոցների և բակերի մաքրությունը, դրանց լվանալը պետք է իրականացվի բարձր մակարդակով։ Մթնոլորտային աղտոտվածության մակարդակի բարելավումը՝ առնվազն 3 անգամ, պետք է դառնա Երևանի գլխավոր թիրախներից մեկը։
Մեր երեխաների առողջության համար Երևանում ապրելը այսօրվա գլխավոր խնդիրներից է, որի լուծման ուղղությամբ հստակ քայլերը պետք է սկսել օր առաջ»,- գրել է նա։
![Լուսանկարի նկարագրությունը հասանելի չէ:](https://scontent.fevn1-4.fna.fbcdn.net/v/t39.30808-6/278571599_519945663028744_652938754530900966_n.jpg?_nc_cat=108&ccb=1-5&_nc_sid=8bfeb9&_nc_ohc=FuLkfimS-o4AX9oBYa2&tn=xdnme8eLJZJA5DUe&_nc_ht=scontent.fevn1-4.fna&oh=00_AT-9XqKF79LQmtl8gKtSj9z15sFEOSGsuHH_5VtxacvdNA&oe=62666039)