Երևանի քաղաքապետ Հրաչյա Սարգսյանը նոր հանձնարարական է տվել «Երևանի ավտոբուս» ՓԲԸ-ին: Այն այսօրվանից կգործարկվի:
Մասնավորապես՝ նոր ավտոբուսներում պետք է հնարավորություն լինի մեծ գումարները մանրել և կոպեկը գցել հատուկ նախատեսված արկղիկի մեջ:
«Ձեր հանձնարարականով դա արդեն ուժի մեջ է, բոլորին տրվել է 10 հազար դրամ ավանս, այսօրվանից կշրջանառվի: Խնդրում եմ մեր բնակիչներին ամեն դեպքում ունենալ 100 դրամանոցներ, որովհետև այս փոփոխությունը օրական շրջանառության ընդամենը 15 տոկսն է և չի բավականացնի, ուստի պետք է ունենալ 100 դրամ»,-ասաց լ «Երևանի ավտոբուս» ՓԲԸ-ի տնօրենը:
Նշենք, որ Երևանի քաղաքապետարանը ավելի վաղ հայտարարություն էր տարածել, որում ասվում էր.
«Հաշվի առնելով քաղաքային տրանսպորտում 100 դրամանոց մետաղադրամների մեծ պահանջարկը` երկուշաբթի օրվանից համայնքային բոլոր նոր ավտոբուսների և միկրոավտոբուսների վարորդներն իրենց մոտ կունենան որոշակի քանակությամբ մանրադրամ:
«Երևանի քաղաքապետի հանձնարարությամբ, խնդիրը որոշակիորեն լուծելու համար այլընտրանքային այս մոտեցումը կկիրառվի` մինչև միասնական տոմսային համակարգին ամբողջական անցումը»,-նշվում է հայտարարության մեջ:
