Կրթության պետական տեսուչները Հայաստանի Հանրապետության օրենքներով սահմանված կարգով համապատասխան պատասխանատվություն են կրում իրենց անօրինական գործունեության կամ անգործության համար:
Կրթության պետական տեսուչների որոշումներն ու գործողությունները կարող են բողոքարկվել կրթության գլխավոր պետական տեսուչին և (կամ) դատարան:
Կրթության գլխավոր պետական տեսուչի որոշումներն ու գործողությունները կարող են բողոքարկվել Կրթության և գիտության նախարարություն և (կամ) դատական կարգով:
Կրթության պետական տեսուչների անօրինական գործողության հետևանքով կրթական հաստատությանը պատճառված վնասը ենթակա է հատուցման՝ Հայաստանի Հանրապետության քաղաքացիական օրենսդրության և իրավական այլ ակտերով սահմանված կարգով:
