ՀՀ ԱԳ նախարար Արարատ Միրզոյանը կմասնակցի Անթալիայի դիվանագիտական ֆորումին։ Այս մասին հայտնում է նախարարության խոսնակ Վահան Հունանյանը։
Ավելի վաղ վարչապետ Նիկոլ Փաշինյանը հայտարարել է՝ հավանականությունը մեծ է, որ Հայաստանը կընդունի Անթալիայի դիվանագիտական ֆորումին մասնակցելու հրավերը։
«Ամեն ինչ կախված է այդ պահին առկա իրավիճակից, բայց առաջին հանդիպումից հետո մեծանում է հավանականությունը, որ ՀՀ-ն կընդունի այդ հրավերը։ Խոսակցություն է սկսվել և անտրամաբանական կլինի, եթե մենք խոսելու այդ առիթը և հնարավորությունը բաց թողնենք։ Առավել ևս, որ մենք ավելի լայն համատեքստում քննարկումներ իրականացնելու հնարավորություն կունենանք»,-նշեց նա։
Վարչապետի խոսքով՝ միջազգային հանրությունը նախանձախնդիր է և աջակցում է ՀՀ-ի Թուրքիայի միջև հարաբերությունների կարգավորմանը։
