ԱԺ պաշտպանության և անվտանգության հարցերի մշտական հանձնաժողովը այսօր՝ հունվարի 4-ին, արտահերթ նիստ է գումարել հանձնաժողովի նախագահի տեղակալի ընտրության հարցով։
Հանձնաժողովի նախագահ Անդրանիկ Քոչարյանը հայտնեց, որ թեկնածու առաջադրելու իրավունքը իշխող խմբակցությանն է անցել, սակայն խմբակցությունը թեկնածու չի ներկայացրել։
Քոչարյանը փակեց նիստը՝ նշելով, որ սա օրակարգի միակ հարցն էր։ Նիստին, Անդրանիկ Քոչարյանի հետ միասին, մասնակցում էր 4 պատգամավոր, այն տևեց 1 րոպե։
Հիշեցնենք, որ ԱԺ «Հայաստան» խմբակցությունը 14 անգամ նշված պաշտոնում առաջադրել է Արթուր Ղազինյանի թեկնածությունը, սակայն վերջինս չի ընտրվել, իսկ ընդդիմադիր խմբակցությունը հրաժարվել է այլ թեկնածու առաջադրելուց։
