«Ալավերդին նույնպես հոսանքազրկվեց։ ՔՊ կենտրոնական շտաբը նույնպես։ Տեղամասերում քվեատուփերն ատամներով պահել»,-ֆեյսբուքյան իր էջում գրում է պատգամավոր Արեն Մկրտչյանը։
Նշենք, որ քիչ առաջ նա նաև գրել էր․
«Թումանյանի շրջանի բոլոր 34 բնակավայրերի ՔՊ հանձնաժողովի անդամներին ու վստահված անձանց` Օձուն խոշորացված համայնքի բոլոր 8 գյուղերի 10 ընտրատեղամասերը քիչ առաջ հոսանքազրկվել են։ Բացառված չէ նույնի կրկնությունը մյուս տեղամասերում։
Խնդրանք և պահանջ` ատամներով պահել բոլոր քվեատուփերը, ուշադիր լինել ձայների հաշվարկին, հանձնաժողովի նախագահից պահանջել քվեատուփից հանելուց հետո տեսանելի ցույց տալ բոլոր քվեաթերթիկները»։
Հավելենք, որ Մկրտչյանը հրապարակել է Ալավերդու մի շարք բնակավայրերի քվեարկության արդյունքները, որոնց համաձայն առաջատարը «Քաղաքացիական պայմանագիր» կուսակցությունն է։
