Գիտակցելով պահի լրջությունը, համապետական ընտրություններին ընդառաջ, հարկ ենք համարում եւս մեկ անգամ շեշտել: Այս մասին հայտարարություն է տարածել Երկրապահ կամավորակնների միությունը, որում ասված է.
«Երկրապահը ունի առաքելություն՝ տեր լինել մեր պետությանն ու պետականությանը: Դրա համար մեզ անհրաժեշտ է ներքաղաքական կայունություն: Բոլորս քաջ գիտակցում ենք, որ ներքին անկայունությունը կարող է բերել անկանխատեսելի զարգացումների:
Ինչպես պատերազմի, այնպես էլ հետպատերազմական օրերին մենք՝ երկրապահներս, պետության սահմաններում ենք, որպեսզի բանակի հետ ապահովվենք մեր երկրի սահմանների անվտանգությունը:
Սիրելի´ հայրենակիցներ
Սահմանների անվտանգությունը կախված է երկրում ներքաղաքական կայունությունից:
Չդիմե´նք քայլերի, որոնք կարող են տանել անդառնալի կորուստների»:
