Կենտրոնական ընտրական հանձնաժողովի (ԿԸՀ) նախագահ Տիգրան Մուկուչյանն այսօր ընդունել է 2021 թվականի հունիսի 20-ի ԱԺ արտահերթ ընտրություններին դիտորդական առաքելություն իրականացնող ԱՊՀ Գործադիր կոմիտեի բաժնի ղեկավար Եվգենի Կոզյակին և ԱՊՀ Գործադիր կոմիտեի խորհրդական Օլեգ Կուլեբային։ Այս մասին հայտնում է Կենտրոնական ընտրական հանձնաժողովը։
«ԿԸՀ նախագահը ողջունել է հյուրերին՝ ընդգծելով դիտորդական առաքելությունների դերն ու նշանակությունը ընտրական օրենսդրության կատարելագործման հարցում։ Հանդիպման ընթացքում քննարկվել են ընտրական գործընթացին առնչվող մի շարք հարցեր, մասնավորապես համավարակի պայմաններում ընտրությունների կազմակերպման և անցկացման աշխատանքները և քվեարկության նոր կարգը։ Տիգրան Մուկուչյանը միջազգային դիտորդներին տեղեկացրել է, որ չնայած ԱԺ արտահերթ ընտրությունների կազմակերպման սեղմ ժամկետներին, ԿԸՀ-ն իրականացնում է օրենսդրությամբ սահմանված բոլոր գործառույթները և միջոցառումները՝ նախապես հաստատված ժամանակացույցին համապատասխան։
Հանդիպման ավարտին կողմերը վերահաստատել են համագործակցության խորացմանը և համատեղ աշխատանքի զարգացմանն ուղղված պատրաստակամությունը»,- ասված է հայտարարության մեջ:
