ՀՀ երկրորդ նախագահ, «Հայաստան» դաշինքը գլխավորող, Ռոբերտ Քոչարյանը այսօր Արարատի մարզի բնակիչների հետ հանդիպման ժամանակ ասել է․
«Այս տարիների ընթացքում արդարադատությունը դարձել է հաշվեհարդարի գործիքակազմ։ Այ, սա մենք չպետք է թույլ տանք, իսկապես, սա չպետք է թույլ տանք։ Բայց սա չի նշանակում, որ երկրում չպիտի լինի արդարադատություն։ Այս իշխանությունը մի մեծ ուսապարկ քրեական գործեր ունի առերևույթ կատարած։ Բայց կրկնեմ, պետք է ամբողջ դատաիրավական համակարգը դրանով զբաղվի և մենք չմտնենք նույն ցիկլի մեջ, ինչով անցնում էինք այս երեք տարին։ Ես իմ կաշվի վրա զգացել եմ՝ ինչ է նշանակում, երբ դու մենակ պայքարում ես պետական համակարգի դեմ, որը ոչ թե օրենքով է առաջնորդվում, այլ մեկ մարդու ճնշումների տակ, համար մեկ պաշտոնյայի ճնշումների ազդեցության տակ է գործում։ Դժվար բան է, դիմացել ենք, բայց չեմ ցանկանում, որ նման ցիկլի մեջ մենք ևս մեկ անգամ մտնենք։ Մարդիկ կատարված հանցագործությունների համար պետք է պատժվեն, բայց, կրկնում եմ, դա պետք է լինի իրական արդատադատություն։
Կան նաև դրսից ֆինանսավորվող բազմաթիվ բարեգործական կազմակերպություններ, որոնք քաղաքականության մեջ չեն մտնում, ազգային արժեքների տիրույթ ևս չեն մտնում։ Եվ այստեղ, այո, պետք է շատ հստակ չափորոշիչներ լինեն, թե ինչ չի կարելի անել։ Եվ շատ խիստ պետք է սահմանափակենք կամ արգելենք, դադարեցնենք, կասեցնենք, ինչ բառ ուզում եք կիրառեք, այն կազմակերպությունների աշխատանքը, որոնք քայքայում են մեր ազգային ինքնությունը։ Ուղղակի անթույլատրելի է»։
