Մայիսի 7-ի երեկոյան Մարգարյան փողոցում (Աջափնյակ) ծայրահեղ անընդունելի և դատապարտելի դեպք է տեղի ունեցել։ Որոշ մարդիկ, կոպտորեն խախտելով օրինականության և մարդկային պարկեշտության մասին պատկերացումները, չորս կենսունակ խոշոր ծառեր են հատել համայնքային տարածքում։
Այս մասին Ֆեյսբուքի էջում գրել է Երևանի քաղաքապետարանի խոսնակ Հակոբ Կարապետյանը:
«Օրինազանցները ենթադրաբար նպատակ են ունեցել զավթել տարածքը՝ հետագայում դրա վրա ինչ-որ տնտեսական գործունեություն ծավալելու նպատակով։
Դեպքը արձանագրել են Երևանի «Կանաչապատում և շրջակա միջավայրի պահպանություն» ՀՈԱԿ-ի մասնագետները, ինչպես նաև՝ ոստիկանության ծառայողները։Այս վրդովեցուցիչ արարքին համարժեք իրավական գնահատական կտան իրավապահ մարմինները։Երևանի քաղաքապետարանը հետևողական է լինելու տարածքի բնական վիճակի վերականգնման հարցում։ Մասնավորապես, արդեն հանձնարարվել է «Կանաչապատում և շրջակա միջավայրի պահպանություն» ՀՈԱԿ-ին՝ սեղմ ժամկետներում վերստին կանաչապատել և բարեկարգել հանրային տարածքը։
Հակահասարակական նման վարքագիծ դրսևորողները որևէ արդարացում կամ ներողամտություն չեն կարող ակնկալել քաղաքային իշխանությունից»,- նշել է Հակոբ Կարապետյանը։
![Возможно, это изображение (на открытом воздухе и дерево)](https://scontent.fevn6-1.fna.fbcdn.net/v/t1.6435-9/183451417_10221547553543938_5260349911209386633_n.jpg?_nc_cat=101&ccb=1-3&_nc_sid=8bfeb9&_nc_ohc=AdBEgPVrXfsAX8u9jCg&_nc_ht=scontent.fevn6-1.fna&oh=ef9618eff3a9b1b371399b1ea88b07c7&oe=60BD4202)
![Возможно, это изображение (один или несколько человек, люди стоят и на открытом воздухе)](https://scontent.fevn6-1.fna.fbcdn.net/v/t1.6435-9/183063391_10221547553823945_7833682544320083537_n.jpg?_nc_cat=107&ccb=1-3&_nc_sid=8bfeb9&_nc_ohc=1pqoZ3pviT4AX9re4mX&_nc_ht=scontent.fevn6-1.fna&oh=6882eaff7ef6da86e0880fcf56b8dfd3&oe=60BC06BA)
![Возможно, это изображение (дерево и на открытом воздухе)](https://scontent.fevn6-1.fna.fbcdn.net/v/t1.6435-9/183578058_10221547554463961_5845526936508695046_n.jpg?_nc_cat=100&ccb=1-3&_nc_sid=8bfeb9&_nc_ohc=gT-F_fC4YGsAX9sOK1y&_nc_ht=scontent.fevn6-1.fna&oh=a9647e5e30d49264e959d18c954782c3&oe=60B9E010)
![Возможно, это изображение (дерево и на открытом воздухе)](https://scontent.fevn6-1.fna.fbcdn.net/v/t1.6435-9/182966727_10221547554783969_2812622396380192609_n.jpg?_nc_cat=111&ccb=1-3&_nc_sid=8bfeb9&_nc_ohc=3Uj5ajCi6NcAX9Fb9iD&_nc_ht=scontent.fevn6-1.fna&oh=dfbff4cc47d6577fa192f5dd849ca678&oe=60BA198A)