ՀՀ քաղաքաշինության, տեխնիկական և հրդեհային անվտանգության տեսչական մարմնից հայտնում են, որ մասնագետները մարտի 31-ին շրջայց են կատարել Երևանի Կ․Դեմիրճյանի անվան մետրոպոլիտենում։
Շրջայցի նպատակը Covid-19-ի հակահամաճարակային կանոնների պահպանման նկատմամբ վերահսկողության իրականացումն է։
ՏՄ տրանսպորտային անվտանգության վարչության մասնագետները դիտարկել են ուղևորների և մետրոպոլիտենի սպասարկող անձնակազմի կողմից դիմակ կրելու, վագոններում ախտահանիչ հեղուկների առկայության, գերբեռնված երթևեկության բացառման, սոցիալական հեռավորության պահպանման պարտադիր պահանջների կատարումը։ Ըստ այդմ՝ մետրոպոլիտենում հակահամաճարակային կանոնների խախտման դեպքեր չեն եղել։
Հիշեցնենք, որ ՔՏՀԱՏՄ-ի վերահսկողությունը հասարակական տրանսպորտի աշխատանքի նկատմամբ կլինի շարունակական։
