Հրազդանի քաղաքապետ Սևակ Միքայելյանը հայտնում է․
«Այսօր ընդունեցի Հայաստանում Ֆրանսիայի Հանրապետության արտակարգ և լիազոր դեսպան Ջոնաթան Լաքոթին, ով աշխատանքային այցով գտնվում էր Հրազդան համայնքում:
Շնորհակալություն հայտնելով դեսպանին այցի համար՝ խոսքումս նշեցի, որ անչափ բարձր եմ գնահատում մեր երկու պետությունների միջև առկա բարեկամական կապը:
Ֆրանսիայի Հանրապետությունն ամենաբարդ իրավիճակներում մշտապես եղել է հայ ժողովրդի կողքին. մենք մշտապես զգացել են Ֆրանսիայի աջակցությունը:
Պարոն Լաքոթն իր գոհունակությունը հայտնեց ջերմ ընդունելության համար, և վստահեցրեց, որ հանդիպումները լինելու են շարունակական:
Հանդիպման ընթացքում քննարկեցինք տարբեր ոլորտներին վերաբերող հարցեր, դեսպանին ներկայացրի վերջին տարիների ընթացքում և հետպատերազմյան շրջանում Հրազդան համայնքում իրականացված աշխատանքները»:
