Փոքր Կենտրոնի մի շարք փողոցներ փակ են։ Ազատության հրապարակում ընդդիմության հրավիրած հանրահավաքի մասնակիցները մի քանի մասի բաժանվեցին՝ տարբեր խաչմերուկներում անհնազանդության ակցիաներ իրականացնելու համար։
Այժմ փակ են Մաշտոց-Ամիրյան, Սայաթ Նովա-Աբովյան, Բաղրամյան-Պռոշյան խաչմերուկները։
«Հայրենիքի փրկության շարժման» համակարգող Իշխան Սաղաթելյանը լրագրողների հետ զրույցում տեղեկացրեց․ «Սա լինելու է շարունակական: Երկուշաբթի օրվանից ամեն օր բողոքի ակցիա է տեղի ունենալու, մինչև հասնենք կառավարության հեռացմանը: Յուրաքանչյուր քաղաքացի կարող է յուրովի դրսևորել իր դժգոհությունը»։
Հավելենք, որ ոստիկանությունը պարբերաբար կոչ է անում ազատել փողոցի երթևեկելի մասն ու չսահմանափակել մյուս քաղաքացիների ազատ տեղաշարժի իրավունքը։
