Հայաստանի, Ադրբեջանի և Ռուսաստանի Դաշնության փոխվարչապետների ՝ Մհեր Գրիգորյանի, Շահին Մուստաֆաևի և Ալեքսեյ Օվերչուկի երկրորդ հանդիպումը՝ տարածաշրջանում հաղորդակցությունն ապաշրջափակելու համար, տեղի կունենա փետրվար ամսվա ընթացքում: Այս մասին «ՏԱՍՍ»-ի թղթակցին հայտնել են Հայաստանի փոխվարչապետի մամուլի ծառայությունից:
«Փետրվար ամսվա ընթացքում տեղի կունենա Հայաստանի, Ռուսաստանի և Ադրբեջանի փոխվարչապետերի երկրորդ հանդիպումը», – նշել է մամուլի ծառայությունը:
Գրիգորյանի մամուլի ծառայությունը նաև հավելել է, որ փոխվարչապետների որոշմամբ ստեղծվել են երկու փորձագիտական ենթախմբեր: Հայկական կողմից նրանց կազմում կլինեն Ազգային անվտանգության ծառայության, Արտաքին գործերի նախարարության, Էկոնոմիկայի նախարարության, Տարածքային կառավարման և ենթակառուցվածքների նախարարության, ՊԵԿ-ի, Սննդամթերքի անվտանգության տեսչության ներկայացուցիչներ:
Հիշեցնենք, որ հունվարի 30-ին Մոսկվայում տեղի ունեցավ երեք երկրների փոխվարչապետների առաջին հանդիպումը:
