Օրվա ընթացքում 177 փախստական է վերադարձել Լեռնային Ղարաբաղ, տեղաշարժի անվտանգությունն ապահովել են ռուս խաղաղապահները, ասվում է Ռուսաստանի պաշտպանության նախարարության տարածած հաղորդագրությունում:
«Ռուս խաղաղապահներն ապահովում են քաղաքացիների անվտանգ վերադարձը իրենց մշտական բնակության վայրեր, տրամադրում են մարդասիրական օգնություն և վերականգնում են քաղաքացիական ենթակառուցվածքները: Մեկ օրում Հայաստանի տարածքից 177 փախստականներ ապահով կերպով վերադարձել են Լեռնային Ղարաբաղ: Ընդհանուր առմամբ, 2020 թ. նոյեմբերի 14-ից Լեռնային Ղարաբաղ՝ նախկին բնակության վայրեր են վերադարձել 49 638 փախստականներ», – ասվում է հաղորդագրության մեջ:
