Ռուսաստանից և Թուրքիայից ժամանած 60-ական զինծառայողներ ծառայելու են Լեռնային Ղարաբաղում հրադադարի ռեժիմի համատեղ դիտարկման կենտրոնում, ասել է Թուրքիայի արտգործնախարար Մևլութ Չավուշօղլուն:
Այս մասին հայտնում է «ՌԻԱ Նովոստի» լրատվական գործակալությունը։
«Որոշվել է հրադադարի ռեժիմի դիտարկման կենտրոնի գտնվելու վայրը, որը Աղդամի շրջանն է: Շինարարությունն արդեն սկսվել է: Առաջին փուլում այնտեղ կծառայեն 60-ական թուրք և ռուս զինծառայողներ: Մեր զինվորականներն արդեն սկսել են մեկնել այնտեղ»,- ասել է Չավուշօղլուն:
Նա հավելել է, որ դա կլինի ոչ մեծ մշտադիտարկման կենտրոն, սակայն, անհրաժեշտության դեպքում, այն կարող է ընդլայնվել:
