Վարչապետ Նիկոլ Փաշինյանի որոշմամբ՝ Արգիշտի Քյարամյանը նշանակվել է ՔԿ նախագահի տեղակալ։
Իրավաբան.net-ը ձեզ է ներկայացնում նրա կենսագրությունը։
Արգիշտի Էլբեկի Քյարամյանը ծնվել է 1991 թվականի մայիսի 22-ին:
2009-2011 թվականներին ծառայել է ՀՀ զինված ուժերում:
2013 թվականին ավարտել է Երևանի պետական համալսարանի իրավագիտության ֆակուլտետը` ստանալով իրավագիտության բակալավրի աստիճան:
2013-2014 թվականներին ծառայել է ՀՀ ոստիկանությունում, ապա աշխատել է ՀՀ քննչական կոմիտեի քննչական բաժնում` որպես քննիչ:
2015 թվականին ավարտել է ՀՀ արդարադատության ակադեմիայում դատախազի թեկնածությունների ցուցակում ընդգրկված անձանց մասնագիտական պատրաստման դասընթացը:
2016 թվականին ավարտել է Երևանի պետական համալսարանի իրավագիտության ֆակուլտետի մագիստրատուրան` ստանալով իրավագիտության մագիստրոսի աստիճան:
2016 թվականի հունիսի 1-ից մինչև 2018 թվականի հունիսի 6-ը աշխատել է ՀՀ դատախազությունում` որպես Շիրակի մարզի դատախազության, ապա Երևան քաղաքի դատախազության դատախազ:
2018 թվականի հունիսի 8-ից մինչև 2019 թվականի փետրվարի 26-ը աշխատել է ՀՀ պետական եկամուտների կոմիտեի համակարգում` զբաղեցնելով իրավախախտումների հայտնաբերման ու վարչական վարույթների իրականացման վարչության պետի, հետաքննության վարչության պետի, հետաքննության և օպերատիվ-հետախուզության վարչության պետի տեղակալի պաշտոններ:
2019 թվականի մարտի 1-ից մինչև 2020 թվականի մայիսի 4-ը աշխատել է ՀՀ պետական վերահսկողության ծառայությունում` որպես ղեկավարի օգնական, ղեկավարի տեղակալ, ծառայության ղեկավարի պարտականությունների կատարող:
2020 թվականի մայիսի 4-ին նշանակվել է ՀՀ քննչական կոմիտեի նախագահի տեղակալ:
2020 թվականի մայիսի 5-ին Հանրապետության նախագահի հրամանագրով նշանակվել է Հայաստանի Հանրապետության ազգային անվտանգության ծառայության տնօրենի տեղակալ:
2020 թվականի հունիսի 8-ին Հանրապետության նախագահի հրամանագրով նշանակվել է Հայաստանի Հանրապետության ազգային անվտանգության ծառայության տնօրեն:
ՀՀ նախագահ Արմեն Սարգսյանի հոկտեմբերի 8-ի հրամանագրով Արգիշտի Քյարամյանն ազատվել է Ազգային անվտանգության ծառայության տնօրենի պաշտոնից։
Ամուսնացած է, ունի երկու երեխա:
