Ազգային ժողովի «Բարգավաճ Հայաստան» և «Լուսավոր Հայաստան» խմբակցությունները հայտարարություն են տարածել, որում ասվում է․
«Սիրելի՛ հայրենակիցներ,
Տեղեկացնում ենք, որ ՀՀ ԱԺ «Բարգավաճ Հայաստան» և «Լուսավոր Հայաստան» խմբակցությունները, օգտվելով Սահմանադրությամբ նախատեսված իրենց լիազորությունից, համատեղ նախաձեռնել են հրատապ թեմայով քննարկում, որի առարկան է՝
– Հայ ռազմագերիներին և գերեվարված քաղաքացիական անձանց գերությունից վերադարձնելու խնդիրը:
Քննարկումը, համաձայն ԱԺ կանոնակարգի 123-րդ հոդվածի 4-րդ մասի, տեղի կունենա հաջորդ երեքշաբթի օրը (դեկտեմբերի 08-ին) գումարվող՝ ԱԺ հերթական նիստերի 3-րդ հիմնական նիստում։
Մեր կողմից առաջարկվում է ընդունել Ազգային ժողովի ուղերձ»։
![](https://iravaban.net/wp-content/uploads/2020/12/128949514_2715979645331520_8938682110087452207_o.jpg)
![](https://iravaban.net/wp-content/uploads/2020/12/128571606_2715979651998186_6135888207306465756_o.jpg)
![](https://iravaban.net/wp-content/uploads/2020/12/129201473_2715979658664852_6200777383621927108_o.jpg)