Փաստաբան Վահան Հովհաննիսյանը ֆեյսբուքյան իր էջում գրել է․ «Պաշտոնական փաստաթղթերում կեղծիքներ կատարելու ճանապարհով նիստերը հետաձգելու համար հանցագործության մասին հաղորդում ենք ներկայացրել դատավորի դեմ։
Բազմիցս և բոլոր հարթակներում բղավում եք վեթինգի, դատաիրավական բարեփոխումների, դատավորների բարեվարքության նոր չափանիշների մասին։ Երկու տարի շարունակ այդ դատավորի վարքագծի կանոնների խախտումների վերաբերյալ հաղորդումներ ու բողոքներ գրեցինք բոլոր իրավասու պետական մարմիններին և միակ պատասխանը, որը ստանում էինք հետևյալն էր. «Էական և կոպիտ խախտումներ չեն հայտնաբերվել»։
Իսկ գիտեք ինչո՞ւ ոչինչ չէիք անում. Որովհետև Ձեզ հնազանդ դատավոր էր, խելոք ու ենթարկվող։
Սպասում եմ թե ինչպես եք մեկնաբանելու առերևույթ պաշտոնական կեղծիքը»,-նշել է փաստաբանը։
Մեկնաբանություններում նշվել է, որ դատավորը Էջմիածնի նստավայրից է։
Նշենք, որ նշված նստավայրում 4 դատավոր կա․ Նաիրա Գրիգորյանը, Հովհաննես Մելքոնյանը, Վահե Խալաթյանը և Էդգար Հովհաննիսյանը։
