«Այս պահին ունենք 12 մահ արդեն, առավոտյան մահացավ, որը 81 տարեկան քաղաքացի էր, ծանր հիվանդություններով։ Սա վաղվա թվերի մեջ կերևա»,- այս մասին այսօր` ապրիլի 10-ին, Ազգային ժողովի առողջապահության և սոցիալական հարցերի մշտական հանձնաժողովի նիստի ընթացքում ասաց առողջապահության նախարար Արսեն Թորոսյանը:
Նա նշեց, որ հիմա խնդիր է դրված մահերի ու հիվանդացությունների թիվը ցածր պահելով գնալ առաջ։
Հիշեցնենք, որ առողջապահության նախարարության կողմից այսօր՝ ապրիլի 10-ի ժամը 11-ի դրությամբ Հայաստանում կորոնավիրուսի հաստատված դեպքերի ընդհանուր քանակը կազմել է 937, որից 149-ը՝ առողջացած, փաստացի բուժվող՝ 777, բացասական թեստերը եղել են՝ 5160-ը։ Մահվան դեպքերն այդ ժամին դեռ՝ 11-ն էին:
