Չինաստանում ի հայտ եկած նոր վիրուսի՝ կորոնավիրուսի հնարավոր ներթափանցումը բացառելու նպատակով դիտարկվում են բոլոր այն տրանզիտ ուղիները, որոնցով հնարավոր է այդ երկրից ուղևորահոսք դեպի Հայաստան։ Այս մասին կառավարության հետ ԱԺ-ում հարցուպատասխանի ժամանակ հայտնել է առողջապահության նախարար Արսեն Թորոսյանը։
Նրա խոսքով՝ այս պահին հատուկ վարքագիծ դրսևորելու կարիք չկա։
«Դեռևս սահմաններ փակելու կամ ուղևորահոսքեր սահմանափակելու կարիք չունենք։ Խնդրում եմ՝ հետևել մեր կողմից հրապարակվող հաղորդագրություններին»,-նշել է նախարարը։
Թորոսյանը խորհուրդ է տալիս հիվանդ լինելու դեպքում դիմել բժշկի, չշփվել հիվանդների հետ։
«Այս խորհուրդը մշտական է, վիրուսով պայմանավորված չէ»,-նշել է նա։
Մանրամասները՝ շուտով տեսանյութում
