Պետական գրանցման ենթակա են Հայաստանի Հանրապետության ընդհանուր oգտագործման ավտոմոբիլային ճանապարհներով երթևեկելու համար նախատեսված`

1) 50 սմ3 և ավելի բանվորական ծավալով շարժիչ կամ 3 կՎտ-ից ավելի հզորությամբ էլեկտրական շարժիչ ունեցող և 50 կմ/ժ և ավելի առավելագույն արագություն զարգացնող`

ա. մոտոցիկլները,

ա1.տրիցիկլերը և քվադրոցիկլերը,

բ. թեթև մարդատար ավտոմոբիլները,

գ. բեռնատար ավտոմոբիլները,

դ. ավտոբուսները.

2) վերը նշված տրանսպորտային միջոցների կցորդները (կիսակցորդները):

Նշված ցանկում ներառված տրանսպորտային միջոցներից բացառություն են կազմում, այսինքն՝ չեն գրանցվում`

1) մրցարշավային տրանսպորտային միջոցները.

2) ընդհանուր oգտագործման ավտոմոբիլային ճանապարհներից դուրս` փակ տարածքներում շահագործվող տրանսպորտային միջոցները.

3) առանձին մասերից և պահեստամասերից հավաքված (բացառությամբ ինքնաշեն) տրանսպորտային միջոցները.

4) ճանապարհային ոստիկանությունում գրանցված, հաշվառված և գրանցումից, հաշվառումից չհանված տրանսպորտային միջոցները (միայն սեփականության իրավունքի մասով):

Աղբյուրը` Իրավաբան.net